無諗照顧小朋友 Sammi大愛望多做義工

星島日報相片

【星島日報報道】鄭秀文(Sammi)出席「分享願望的喜樂2018」開幕禮時透露,以前希望開設立社企聘請智障人士,但從朋友得知原來經營社企並非易事,自己不是這方面人才,希望將來過著做義工的生活。 她說:「未必一定要退休做義工,不過依家工作要時間配合,我諗唔到有乜比呢個更想做。我唔生仔,唔湊仔,其實世界上好多人需要愛、關心同需要幫助。(叫埋老公一起參與?)會!人生有好多不同的事想做,不一定只為自己或家人,世界上好多需要幫忙。」她坦言不時會做義工,因為工作上會接觸,亦可當作整頓人生。 談到有報導指張衛健與太太張茜到南非旅行「造人」,她說:「係咩?佢造人咩?我覺得每個人價值觀不同,我比較喜歡接觸人同世界,傾向大愛、博愛,無話特別想照顧小朋友,想生仔幾乎零。上帝無畀呢個心意我,可能有其他心意,服務呢個世界幾好呀!」 提到聖誕節臨近,她表示暫時未有計劃,但不敢亂吃東西,因為早前不小心吃未煮的東風螺。她說:「吃完內心好不安,雖然行得企得,但有睇醫生睇下身上有無寄生蟲,原來醫生話每個人多少都有寄生蟲。(服用花塔餅杜蟲?)醫生話唔得架!咁甜無乜用,食啲清身體天然的杜蟲藥,但唔嚴重,唔知牠「懶」去邊?周身「懶」好驚,食咗藥制止咗牠。」

睇更多