Yahoo Food
【食譜】新年動手做！蘿蔔糕
是咁的，蘿蔔糕食譜終於出現。
昨日去了朋友Belle屋企教佢整，然後影埋相咁就可以出到食譜，而我自己就下星期先一次過整十底呢！
呢個食譜係好多唔識煮既朋友都做得到，當年我都係剛開始學煮無耐就自己整，個食譜都有成8年歷史，所以係信得過既。
而我做既蘿蔔糕係半手切，即係一半刨絲、一半切幼條，刨絲令底糕甜，切幼條係保留蘿蔔既質感。
材料：
粘米粉 300g
澄麵或粟粉 2湯匙
鹽 半湯匙 ~1湯匙
麻油 少許
胡椒粉 少許
臘腸 、 蝦米、瑤柱、冬菇 隨意
白蘿蔔 3斤 =1815g (我做法係分成兩份，一半刨絲，一半切幼條，呢種質感較好)
水 12安士
蔥白粒 少許
做法：
1. 將蘿蔔一半切幼條、一半刨絲(刨絲時蘿蔔會出水，水份留起)
2. 將粘米粉、粟粉、鹽、胡椒粉、麻油混合埋一齊加入水份
3. 12安士既水(我用浸瑤柱同蘿蔔水代替水份)
4. 臘腸、冬菇、等等切粒
5. 將蝦米、冬菇、瑤柱、臘腸、蔥白粒爆香，加入少許生抽同酒兜勻至出香味
6. 蘿蔔絲同幼條用白鑊煮到半透明及軟身(大約幾分鐘)
7. 加入臘味配其他配料
8. 兜勻材料及蘿蔔
9. 倒入粉漿
10. 開始用中慢火邊煮邊兜
11. 直至你覺得漿同蘿蔔好重，重到開始拎唔起就可以熄火入糕模(糕模先搽油)。
分三次放，每一次都壓實先放上第二層等等。
13. 最後可以放上臘味做裝飾。
14. 蒸45-60分鐘
小貼士:
*浸瑤柱既水及刨蘿蔔時既蘿蔔水留起，代替水份量
*步驟(3)蘿蔔絲加粉漿時，煮到重身，感覺就快拎唔起隻鑊剷既感覺就OK
*倒入糕盤時要分幾次，每次倒入時要輕輕壓實，完成品就唔會鬆散
*呢度做到3斤糕，做幾多底係視乎自己買個盤幾大，我唔會知你個盤有幾大做到幾多底，但如果你買個盤1斤裝既，咪三底囉！
飲食資訊由熱新聞提供
原文連結: 蒸糕bell最終回…蘿蔔糕
更多相關內容
