雅虎香港新聞 真係「愛我請留言」？ 翠如傳情︰感激，然後感動
蕭正楠、黃翠如、何傲芝嘅三角疑雲成為咗呢個星期嘅最熱話題。由共處一室60小時蜜照出街開始，第二日蕭正楠上《東張西望》公開表態要追翠如BB，何傲芝即晚就用Edwin嘅名句「邪不能勝正」留言反擊，再傳出何已經搭上馬主新歡……才不過幾日而已，劇情已經豐富過《西遊記》。
爆出「翠蕭戀」，幾位主角唔多唔少都受影響，畢竟係有齊疑似劈腿、做小三、拜金、姣溝呢啲負面元素；點似得陳豪陳茵媺咁，郎才女貌，而且身家清白先開始新戀情，即使未婚生仔大家都送上祝福呢？
今日凌晨，蕭生有感而發，喺微博度PO咗句心聲︰「為了最近的事情有點累，還是希望大家請不要再傷害我愛的人，有事請找我，反正你們都知道我住在哪？」
咁有承擔，翠如BB亦都有所行動，喺微博度轉貼蕭正楠嘅「男人宣言」，仲留言話：「剛發現。 感激，然後感動。你總是奮不顧身。這些日子，其實你比我苦。你說，明天不一定有陽光，但雨後終會有彩虹，是嗎？電影總有播完的一刻，其實，我們都不是這套電影的演員，我們都只是觀眾。一起加油。」好甜喲~~
雙方發球完畢，又係時候等睇何傲芝留言嘞。上次QUOTE咗蕭生嘅金句「邪不能勝正」，今次會唔會用另一句「雪雪雪」？
是日精選
